Du har rett på gode stolar. §9A-7

I lova står det at du har rett til at skulen skal ta omsyn til din helse, trivsel og læring. Dårlege stolar fører til ryggproblem og trøtte og leie elevar, det fremje ikkje trivsel og læring.
Å kjøpe nye stolar til ein heil skule er dyrt, og noko mange skular ikkje vil få til raskt. Derfor kan det være lurt å samarbeide med leiinga på skulen for å få fylkeskommunen til å legge klart i budsjettet pengar til nye stolar på skulen din.

Du har rett på å få det utstyret som er naudsynt for læringsmiljøet ditt. §9-3

Dette betyr at skulen din skal ha tilgang på det utstyret som er naudsynt for at du skal kunne delta i timen og få din utdanning.

Skulen skal være gratis for alle, ingen skal måtte bruke fleire tusen kroner på å kjøpe inn utstyr som dei må ha for å kunne delta i timen. Dagens utstyrsstipend er ikkje stort nok.
Det er ein stor sak som må endrast av regjeringa. Her kan du påverke mykje! Skriv lesarinnlegg i aftenposten Si;D, lokalavisa di eller andre medier som sosiale medier. Lag kampanje på skulen din eller i fylket ditt. Du kan også delta på Elevorganisasjonen sine arrangement og kjempe med oss i kampen for eit utstyrstipend som strekke seg til!

Du har rett til å påverke timeplanen din. §11

Kapitell 11 handlar om kanalar elevane kan være med å påverke på. I skuleutvalet kan elevane ta opp alle saker som har med skulen å gjer. i Skulemiljøutvalet kan dykk ta opp saker om skulemiljøutvalet. Og elevrådet skal arbeide for elevane sin meining opp mot læringsmiljøet, arbeidsforholda til elevane og velferdsinteressa deira. 

Du har rett på skulebøker på din målform. §2-5

Du har rett til å få dine bøker på din målform uansett kvar du bur i Noreg, både i grunnskulen og på vidaregåande.

Dersom du ikkje har fått bøkene dine på rett målform kan du ta det opp med faglærar og sei du manglar bøker Dersom faglærarane då ikkje går til leiinga og ordnar det, kan du gjere det sjølv.

Eit problem som er vanleg med å få skulebøker på rett målform er at det tar veldig lang tid før du får dei. Då e det viktig å presisere at dette er din rett og sei at dersom du ikkje får dei snart, sender du inn klage til fylkeskommuna.

Du har rett til å bli høyrt. §11b

Kapittel 11 i opplæringslova handlar om brukarmedverke i skulen. Den forklarar dei ulike stadane elevane kan påverke sin skulekvardag. Det er gode plassar å bli høyrt, men har også rett til å bli høyrt kvar dag i klasserommet, i gangen og i kantina. Dykka meining skal bli høyrt om det er gjennom elevrådet eller rett opp mot ein lærar.